સોનાના સિક્કા પર સચિન તેંડુલકરની તસવીર, જાણો કિંમત

નવી દિલ્હી, 13 મે અક્ષય તૃતિયા એટલે કે અખાત્રીજના અવસર પર સીમિત સંખ્યામાં સોનાના ખાસ સિક્કા લોન્ચ કરવામાં આવ્યા હતાં, જેના પર સચિન તેંડુલકરની તસવીર અને ઓટોગ્રાફ છપાયેલાં હતાં. સચિનની હાજરીમાં વૈલ્યૂમાર્ટ ગોલ્ડ અને જ્વેલર્સે આવા એક લાખ સિક્કા માર્કેટમાં મૂક્યા હતાં. દરેક સિક્કાનું વજન 10 ગ્રામ હતું. 24 કેરેટના સોનાના સિક્કાની કિંમત 34 હજાર રૂપિયા છે. વૈલ્યૂમાર્ટના સ્ટોર દેશના મોટાભાગના રાજ્યોમાં ઉપલબ્ધ છે. કંપનીએ આ વર્ષના ફેબ્રુઆરી મહિનામાં ત્રણ વર્ષ માટે સચિનને પોતાનો બ્રાંડ એમ્બેસેડર બનાવ્યો છે. સચિને આ અવસર પર કહ્યું હતું કે, 'ક્રિકેટના મેદાન પર મારા માટે ઘણા સુવર્ણસમય આવ્યાં છે, પરંતુ આ એકદમ અલગ છે. હું અખાત્રીજ પર લોકોને શુભેચ્છા આપું છું, કેમ કે હિંદુ કેલેન્ડરમાં આ તિથી મહત્વની છે. સોનું તો ક્રિકેટરોને પણ ગમે છે અને મજાક કરું તો વેસ્ટઈન્ડિઝના ખિલાડીઓને પૂછી લેજો.'